Hjelp familiane i Syria!

Industri Energi har gjeve 100 000 kr til Norsk Folkehjelp sitt arbeid med å dele ut nødhjelpspakkar i Syria. For denne summen får 244 familiar 1 komplett nødhjelpspakke kvar. Nå oppmodar eg Industri Energi sine avdelingar og medlemmar til å bidra. Få med arbeidsgjevarar, familien og vener. Syria-krigen er den verste humanitære krisa verda har sett på mange tiår. Situasjonen vert stadig verre for 16 millionar menneske som nå har akutt behov for hjelp. Snøstormane som ramma Midtausten før jul har gjort tilhøva for flyktningane uhaldbare. Dei manglar oppvarming. Snø og iskaldt regn finn vegen inn i telt og provisoriske bygningar, og kulda er bitande. Vinteren har allereie teke liv. Bli med og støtt Norsk Folkehjelp sitt arbeid!